17-avgust, 2026

Қадрига ет

Бир ўйлаб кўр, ўғил бола, Ҳаётингдан ибрат ола, Ҳаммаси зўр, бир иш чала: Онангни ҳеч ўйламайсан. Дўстлар билан ўйноқлайсан, Сўзни чертиб салмоқлайсан, Вақт йўқ деб ўзни оқлайсан, Онангни ҳеч ўйламайсан. Кир-чирингда “она” дединг Ғир-ғирингда “она” дединг Иситмада лов-лов ёниб Дир-дирингда “она” дединг Қувонганда “ёрим” дейсан Сенсан йўғу борим дейсан “Ёлғизим, баҳорим” дейсан Онагни ҳеч ўйламайсан. Худо сенга бош берибди, Озми-кўпми ёш берибди, Инсоний бардош берибди, Онагни ҳам бир ўйлаб қўй: Унга пулинг керак эмас, Даста гулинг керак эмас, Молу дунё ташвишидан Вайрон дилинг керак эмас. Икки оғиз ширин сўзинг, Кулиб турган қаро кўзинг, Яшнаб турган ёруғ юзинг Онанг учун энг катта бахт. Ўтгандан сўнг оҳлар урма, Қабри узра қаср қурма, Изларини излаб юрма, Тиригида қадрига ет!