17-avgust, 2026

Табаррук тупроқ

Ғайрати тоғ танасига сиғмас элли, Водий қучган тоғлари кўк бахмал белли, Дала-дашти юз юмдалар йўрға елли, Шу кўҳна юрт тупроғини кўзларга сурт Алпомишдек полвонлардан мерос бу юрт Қаҳри келса, кўз қараши тош тилкалар, Соясида ором олар чўнг елкалар, Не зотларни улғайтирмиш бу ўлкалар Шу ўлканинг тупроғини кўзларга сурт Темур каби султонлардан мерос бу юрт. Меҳмон учун доим очиқ дастурхони Дастурхонда хушбўй кўк чой, тандир нони Гўзаллари таърифини йўқ имкони Шу маконнинг тупроғини кўзларга сурт Нодираи замонлардан мерос бу юрт Ақли олам чархига ўқ бўлган бу юрт Қўлда кишан билан ўйнаб-кулган бу юрт Жувонмардлар мозорига тўлган бу юрт Оқибатда бу кун озод бўлган бу юрт Шу кўҳна юрт тупроғини кўзларга сурт Айтаверсам, таърифига достон камдир Юртим қуёш бўлса, шеърим ожиз шамдир Шеърим, совуқ кўнгилларни ўзинг ёндир Ва қўлини табаррук деб кўзларга сурт Оташнафас шоирлардан мерос бу юрт